48280 + GAILU
Aurrekoetxea 27 bajo
48280 kolektiboaren sustraiak Lekeitioko parkeetan kuadrillekin egiten diren topaketetan daude, giro aparta sortzen hasi baitzen raparen eta hiriko musikaren bidez.
Euskarazko letra indartsuak kaleko energiarekin eta festa espirituarekin uztartzen dituzte kolektiboko kideek, betiere benetako gozamen musikala eskaintzeko asmoz. 48280 kolektiboak esperientzia hurbila eta zuzena proposatzen du, publikoarekin konektatuz eta bere musika herrikoia eta moldakorra ahalik eta urrunen eramateko ametsari jarraituz.
Gailu izango dute lagun, Euskal Herrian kontrakulturan aritutako musikarien taldea. BAP!, Negu Gorriak, Inoren Ero Ni edo Estricalla moduko proiektu sonikoetan militatu dute, besteak beste.
Orain, Gailun, hip hop, punk, jazz eta elektronika soinuak nahasten dituzte eklektikoki, nahasketa hori guztia adierazpen liriko irudimentsu bezain zorrotz batez lagundurik.
Biak zuzenean arituko dira Bermeoko Kafe Antzokiko agertoki handian abuztuaren 8an, 21:00etatik aurrera.